منتديات شمس المدائن

منتديات شمس المدائن

والله نورتِ المنتدي من جديد يـ{زائر}.

 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 الرائد طالب الدراجي المغترب يربط بين غرقه في الصغر وغرقه في الغربه والعيد

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
صدى العراق

{المدير العام}
{المدير العام}
avatar

عدد المساهمات : 193
تاريخ التسجيل : 10/09/2008
العمر : 52

مُساهمةموضوع: الرائد طالب الدراجي المغترب يربط بين غرقه في الصغر وغرقه في الغربه والعيد   السبت أكتوبر 18, 2008 10:39 pm

باجر عيد

باجر عيد ...
ياروحي وشلي بالعيد .
أعايد من بعد؟
ياهو اليفرح الروح ..
أذا كل الأحبهم..
صفوا عني بعيد .
بيني وبينهم..
صحرى ومدن وجبال..
ياكَلب الي يصبر..
ياجروح اتهيد .
****
كل عيد اليجي..
يحصرني حصرت موت ..
لاحرك جدام ولا احرك ايد .
هلاله ايصير خنجر..
يذبح الزردوم ..
شما يلمع كَبالي ..
هموم كَلبي تزيد .
أنه مجودر بكَلبي ..
عشره من عاشور..
ياسهم العمر..
من الفرح شتصيد ؟
وين وجم سنه المرت..
وانه بهل حال
دمعي بطرف عيني..
ودوم لاوي الجيد .
باجر عيد ياروحي..
وشلي بالعيد ؟.

***
كَبل جانت
مراجيح الفرح بالسوك
ويارخص الفرح ..
جان ابملاعبنه .
بدراهم نشتريه..
ونكتفي ويزود..
والباجر نظّم ..
بجيوبنه وعبنه .
نغني من الصبح..
حد مايجينه الليل
ودكَات الحصان..
برجله تطربنه .
وحنه اعله الربل..
سكرانه بينه الريح
خاف ا نطيح منه..
وبيه جلّبنه .
(ياعيد يابو نمنمه ..
خذني وياك للسينمه )
و
( وصلنه للجوبي ..
عدنان شكَد ثوبي )
و
(وهذا دريولنه الورد ..
هسه يوصلنه ويرد )
و
(يبو عكَال لاتنهضم ..
هذا الافندي قندره )
و
(المايزور السلمان عمره خساره ..
المايزور السلمان عمره خساره)
و
(ديَوّر ونّكسرسكانه ..
ديَوّر ونّكسر سكانه )
ديَوّر ونّكسر سكانه ..
ديَوّر ونّكسر د يَوّر ديَ د د
***
ماجانت اغانينه..
دمع وهموم.
ولا جانت اغاني..
الحزن تكَربنه .
دواليب الهوى..
تجيب الفرح للروح
ماجانت دواليب..
الهوى تفرنه وتدولبنه .
ما أدري بحلم جنه..
وصحينه النوب ؟
أمس وزغار جنه..
شلون شيّبنه ؟
وباجر عيد ياهو..
الي يعايدنه ويلاعبنه ؟
وياهو الي يرجعنه الملاعبنه ؟
باجر عيد ..
بس احنه الزمان هواي تعّبنه .
***
وياخوفي العمر..
من الفراك ايطول
وتموت السنين ..
وصبر روحي ايبيد .
وياخوفي المسافه..
اتصير نجمه وكَاع
ياخوفي المسافه..
والجروح اتزيد .
وأعتك مثل شجره..
ايعشش النسيان
فوك اغصانها..
وتصّفر بذنها الريح .
شجم غيمه جزتها..
شجم جنح عصفور
لاكَطرة مطر..
لاريشه يمها اتطيح .
وأشهك للسمه..
برّية نفس غركَان
وحط السالني بجفوفي..
وتضل اتصيح .
يا أخر جرف..
بين الحيا والموت
ألوّحلك وبلجي..
يفيدني التلويح .
***
باجر عيد
رجعني الهذاك الصوب
ردني الفرحت ايامي
ولك يا عيد
ياثوب الحزن..
من جلدي مامليت
خامك يمته يتشكَك..
ويمته ايبيد .
باجر عيد..
باجر عيد..
باجر عيد .


طالب الدراجي
سدني 27-11 2003
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://almd3aein.ahlamontada.net
سفاح الجمعية

{بيشارك}
{بيشارك}
avatar

عدد المساهمات : 31
تاريخ التسجيل : 05/02/2009

مُساهمةموضوع: رد: الرائد طالب الدراجي المغترب يربط بين غرقه في الصغر وغرقه في الغربه والعيد   السبت يناير 23, 2010 6:21 pm


مشكووووووور على هذه القصيدة الرائعة بصراحة تذكرنا بأيام زمان للمدائن وان شاء الله يرجع كل غايب لبلادة ... تحياتي الك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الرائد طالب الدراجي المغترب يربط بين غرقه في الصغر وغرقه في الغربه والعيد
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شمس المدائن :: منتدى مدينة المدائن :: منتدى المواضيع العامه للمدائن-
انتقل الى: